Patay ang 30 anyos nga zumba instructor nga si Clint James Tomazar matapos ini gin tiro sa ulo kaina sang aga sa Barangay 4 sa Hinigaran.
Suno kay Lt Col Necerato Sabando, hepe sang Hinigaran PNP, si Tomazar ang naga pang lakaton lang padulong sa hypermarket sang hinali siya ginpalapitan sang gunman nga nagasunod sa iya nga sakay sa motorsiklo, kag gintiro siya gilayon.
Gindala pa siya sa ospital apang wala na matabangan pa kag napatay.
Suno kay Sabando, ila pa ginahibalo kun ano ang motibo sa pag patay kay Tomazar bangud sa wala man ini sang record sa PNP.