Ginsiling ni Bacolod City Mayor Greg Gasataya nga kun mag nami ang tiempo buwas nga adlaw, posibli nga matapos na ang pagpanghatag sang mga libre nga school bags kag Physical Education Uniforms sa mga pampubliko nga eskwelahan sa siudad.
Sa karun, yara na sa masobra 70 percent sang mga elementary kag high school students ang nakakuha sang amo nga bulig gikan sa siudad.
Suno kay Gasataya, wala sila makapanghatag sang supplies sang tinalikdan nga duha ka adlaw bangud sa malain nga tiempo, apang magapadayon naman bwas ang distribution.
Pagklaro niya, bags kag PE uniforms nalang ang wala pa natapos panghatag bangud sa una palang nga adlaw sang klase, tanan nga mga estudyante ang nakabaton sang libre nga school supplies.
School supplies kag backpack ang nakuha sang mga estudyante sa elementarya samtang sling bag kag PE Uniforms naman ang sa high school.
[sibwp_form id=1]