Tigayon na nga na discharge gikan sa Primary Care Facility sang Cadiz ang 17 ka mga grade 5 nga estudyante sa Cadiz City nga nagkalahilo sang magkaon sang kasla.
Ginsiling ni Richard Amante ang pamuno sang Cadiz City Disaster Risk Reduction Management Office nga nagresponde sila Miyerkules sang hapon matapos nga makabaton sang tawag mga las 4 sang hapon.
May mga nag lingin ang ulo suno sa iya, sakit tiyan kag nag palanuka. Na kumpirma nila suno kay Amante nga nagkaon ang mga kabataan sang kasla.
Sila ang gin dala gilayon sa Primary Care Facility sang Cadiz City kag ginhatagan sang medical attention.
Ginsiling ni Dr Maria Victoria Ibañez, ang City Health Officer sang Cadiz nga las 4 sang hapon sang Hwebes tigayon na nga na discharge ang anum pa ka mga kabataan nga nabilin sa Primary Care Facility sang Cadiz.
Tigayon naman nga napapauli damlag pa ang 11 ka iban pa suno sa kay Ibañez upod na ang instruction bahin sa ila nga mga bulong.
Gina sulit sang otoridad nga likawan ang pag kaon sang kasla. Damlag pa nag pa gwa na sang advisory ang Deparment of Health angut sa posible kahalitan nga matuga sang pag kaon sini.
Suno kay Amante, ilakip na nila sa training sa mga eskwelahan ini para mapahanumdom ang mga estudyante nga indi mag kaon sang kasla.
“I-upod na ni namon sila sa amon nga training sa school nga mga dapat indi kaunon sang estudyante. Actually I am also a victim sang sining kasla sang gamay pa ko. Amo na maka lipong gid na kag maka lason”, suno kay Amante.
[sibwp_form id=1]