Shadow

Yara na sa 61% ang nabakunahan nga senior citizens sa Negros Occidental

Sa Western Visayas, probinsya sang Negros Occidental ang may pinakamadamo nga nabakunahan sa target sini sa A2 category ukon mga senior citizens.

Sa datus sang probinsya masobra na sa 61 percent sa karon sa mga senior citizen ang nabakunahan sa Negros Occidental.

Ginatutukan ang pagbakuna sa mga senior citizen bangud diri nag lag ang probinsya bahin sa vaccination program.

Suno kay Provincial Health Officer, Dr Ernell Tumimbang, gina tun-an ang pagpatigayon sini sa mga barangay tigaylo nga maglakat ang mga katigulangan sa vaccination sites kun sa diin ang iban may kabudlayan na sa ila nga mga pagpadulong sa lugar. Wala gina-recommend ni Tumimbang ang mobile vaccination sa karon, bangud sang ginalantaw kabudlayan bahin sa monitoring kag subong man sa mga vaccination forms kag reporting.

Sa regional nga pagsinapol kaina sang aga suno kay Tumimbang, ang Negros Occidental man ang may pinaka manubo nga positivity rate.

Yara karon suno sa iya sa 8 percent ang positiviy rate sang Negros Occidental, ang iban nga mga LGU sa probinsya yara sa 35 percent suno sa iya.

Leave a Reply

Your email address will not be published. Required fields are marked *

Secured By miniOrangeSecured By miniOrange