Shadow

Balayran sa bill sang Ceneco sa bulan sang Agosto magasaka

Piso kag otsentay siete sentimos nga saka sa balayran sa kuryente igapatuman karon nga bulan sang Agosto.

Halin sa P10.49 per kilowatt hour nga average residential rate, mangin P12.37 per kilowatt hour na ang billing sang Central Negros Electric Cooperative ukon Ceneco sa bulan sang Agosto.

Sandig sa advisory sang Ceneco, ang P1.87 per kilowatt hour nga saka sa bili sang supply sang kuryente ang gikan sa dugang nga saka sa generation charges. Tuga ini sang pagkaguba sang submarine cable sang National Power Grid Corporation of the Philippines ukon NGCP sa ila Cebu-Negros transmission line.

May yara man sang preventive maintenance schedule nga ginpatuman ang Palm Concepcion Power Corporation.

Ginpahayag sang tagdumalahan sang Ceneco nga sa panibag-o nga average residential rate,P11.18 per kilowatt hour ang nagakadto sa generation kag transmission charges.

Humalin sang 2010, nagapabilin sa P1.18 per kilowatt hour ang ginasukot sang Ceneco para sa distribution, supply kag metering charges.

Leave a Reply

Your email address will not be published. Required fields are marked *

Secured By miniOrangeSecured By miniOrange