
Mga 12,100 ang kadamuon sang mga business applicants nga naka-proseso na sang ila permits antes sang extended Business-One-Stop Shop sa Bacolod.
As of January 14, may 12,100 na ka mga business applications ang nabaton kag karon gina-proseso sang Business Permits and Licensing Office sang Bacolod.
Ginsiling ni BPLO head Stela Rose Rayos nga 47 percent ang ginsaka sang kadamuon sang business applications kun ikumparar sang nagligad nga tuig sang ginpatigayon ang Business-One-Stop Shop sa Bacolod City Government Center.
Kada adlaw naga-average sa 300 tubtob 400 ang mga applicants sang BOSS. May 2,000 na tanan ang na-issue sang BPLO nga business permits.
Nagpa-gwa naman sang advisory ang BPLO sa mga business applicants nga naga-proseso online nga i-verify sa ila opisina ang na-submit nga email addresses tungod may pila na ka mga notices nga ila napadala ang nag-bounce back tuga sang incorrect e-mail address. Ang online application kabahin sa mga tikang sang Bacolod LGU agud mapaiway ang mga fixers.