Shadow

10 ka Negros bleeding-heart pigeon nga ginbuhi sa Singapore gindala balik sa Neg Occ

Napulo tanan ka Negros Bleeding-Heart Pigeon ang gin turn-over sang Mandai Wildlife Group nga nabase sa Singapore sa Talarak Foundation – Negros Forest Park sang Hwebes.

Suno sa Probinsya sang Negros Occidental ini ang nahanua nga tion nga tigayon na repatriate ukon nabalik ang natungdan nga critically endangered specie, nga endemic sa Negros kag Panay.

Ang tikang, kabahin sa naga padayon nga conservation efforts nga naga tuyo sa pag recover sang wild population agudto nga maga lawig pa ang amo nga sahi sang species.

Ang repatriation ang gin pamunuan sang Department of Environment and Natural Resources, upod sa Talarak Foundation, Inc. kag Mandai Wildlife Group.

Sang Setyembre 2021, tatlo ka breeding pairs sang Negros Bleeding-Heart Pigeons ang gintugyan sa Mandai Wildlife Group sa Singapore nga sadto anay kilala bilang Jurong Bird Park bilang kabahin sang groundbreaking sang captive breeding program.

Ang amo nga inisyatibo sang Provincial Government isa ka daku nga tikang bahin sa pag pasiguro sang survival sang critically endangered species.

Ginsiling ni Governor Lacson nga ang pagbalik sang mga nangin buto sang Negros Bleeding-Heart Pigeons naga pakita sang importansya sang commitment, collaboration lakip na ang paglaum angut sa preservation sang critically endangered wildlife sang probinsya.

Yara man kahapon si Constance See, Ambassador of the Republic of Singapore to the Philippines kag ang Chief of Life Sciences nga si Dr. Cheng Wen-Haur sang Mandai Wildlife Group.

Secured By miniOrangeSecured By miniOrange