Bodega sa Engineering motorpool sang probinsya ang natukiban ginkawatan.
Masobra sa 400,000 pesos nga balor sang mga battery sa salakyan kag motor oil ang ginkawat.
Suno kay Arnel Argusar ang General Services Officer, nag patigayon sila sang inventory sang ulihi nga semana sang Oktubre kag didto na lamang nila natukiban ang nagkaladula nga supply.
Nag patigayon na sang pag pangusisa kag operation ang kapulisan.
Sa 21 ka battery nga nadula, lima ang tigayon na recover sa area sang Pahanocoy.
Suno kay Argusar, ang pader sang warehouse nga nahamtang sa Gatuslao St., sa Bacolod ang tambi man sa perimeter fence sang pila ka mga pumuluyo.
May suspek na nga nadakpan suno kay Argusar.
Ang pader sang warehouse ang ginbuhuan nga nagserbe alagyan sang mga suspek.
“Nag-operate sila guro gab-i. Natandugan guro nila ang hollow blocks, nahulog, kundi nabuka na, indi na nila mauli ang bilog nga hollow block kay nabuka na. Makita na gid ang buho. Didto na kami na alarma sang may nakita namon nga buho, ginpakadtuan namon sa pulis”, suno kay Argusar.