Ang pilot roll-out sa masobra sa P10,000 nga emergency cash transfer sa mga sugarcane farmers nga apektado sang RSSI ang ipatuman bwas nga adlaw sa Talisay City kag San Carlos City.
Suno kay Regional Director Arwin Razo sang Department of Social Welfare and Development, masobra sa 600 ka magagmay nga mangunguma ang magabaton sa Talisay City kag 400 naman sa San Carlos City.
Paathag ni Razo masobra sa P10,300 ang batunon sang mga mangunguma base sa computation nila sang 70 percent sang minimum wage para sa 25 diyas.
Ang mga magabaton suno sa DSWD mga magagmay nga mangunguma ukon yadtong may lima ka ektariya nga katubuhan kag paidalom.
Ginsiling ni Razo gin gamit nila bilang primary reference ang datus gikan sa Sugar Regulatory Administration kag and dugang nga gikan sa mga gin-validate sang mga LGU upod man ang tiglawas sang SRA.
Padayon sa karon ang validation pa kag indi pa nila mapat-od kun ano ang kadamuon sang ila nga hatagan.
Sa Negros Oriental padayon man ang validation.
“Tomorrow, pilot roll-out as recommended ni Gov, yung Talisay and then San Carlos. I think 600 plus for Talisay and then we have another 400 for San Carlos. That’s roughly P10 million”, suno kay Razo.
[sibwp_form id=1]