Shadow

Lalaki ginpulihan labo sang iya mga kaingod balay, patay

Patay si Jomarie Bolhano, 40 anyos sang ginpulihan labo sang iya mga kaingod balay sa Sitio Mantabanon, Barangay Camang-camang, banwa sang Isabela Domingo sang gab-i.

Samtang, ang mga ginatudlo naman nga suspek ang ginkilala nga sanday Roy Pedro, 46 anyos kag si alyas Jovel.

Suno kay Police Captain R-jay Dangarang, hepe sang Isabela PNP, ginkadtuan sang mga suspetsado ang biktima sa ila balay.

Nagluntad ang pagbinaisay kag nagkuha sang binangon ang mga suspetsado kag ginpulihan labo ang biktima.

Dead on arrival sa Ignacio Arroyo Sr. District Hospital ang biktima.

Nadakpan naman sa hot pursuit operation si Pedro samtang nakapalagyo naman si alyas Joven.

Secured By miniOrangeSecured By miniOrange