Walo ka mga job order worker sang San Carlos City ang nag positibo sa pag gamit sang iligal nga droga sa gin patigayon nga drug testing sang Disyembre 2.
Sang Disyembre 2, may 170 ka mga empleyado sa idalom sang City Waterworks kag City Engineering Department ang gin paidalom sa drug testing suno kay Ana Liza Macaraya ang focal person sang San Carlos City Anti-Drug Abuse Council.
Regular nga gina patigayon sang San Carlos ang drug testing sa tuyo nga maka angkon sang drug free workplace.
Humalin sang August 12 tubtob sini nga Disyembre may 951 ka empleyado ang gin subject sa drug testing kag 21 ang nag positive sa pag gamit sang iligal nga droga suno sa kay Macaraya.
Sang Agosto walo ang nag positibo kag ini sila mga job order workers nga ginkakas na sa pwesto.
Sang Nobyembre, lima naman ang nag positibo – apat ang job order worker kag kag isa diri ang regular nga gin subject pa sa confirmatory testing.
Suno kay Macaraya, dala sang humanitarian consideration, labi na nga maga saulog pa sang Paskwa, gin pakamaayo sang akalkde nga ang 12 ka mga job order workers nga nag positive sang Nobyembre kag Disyembre ang patapuson na lamang trabaho tubtob sa katapusan man sang tuig.
“Sa latest na mga nag positive, since November, out of humanitarian consideration, since coming ang Pasko, gintagaan sila consideration ni Mayor, until end of the year na. Effective January wala na sila”, suno kay Macaraya.