Shadow

‘Visionary’ nag-file sang iya COC sa pagka gobernador sang Negros Occidental

50 anyos nga babaye gikan sa siudad sang La Carlota ang nag file sang iya nga COC para sa pag ka gobernador sang Negros Occidental.

Miyerkules sang hapon nag file sang iya nga COC sa Comelec-Negros Occidental si Ma. Socorro Okada nga naga laragway sang iya kaugalingon nga isa ka visionary. Iya man ginsiling nga siya ang isa ka psychic. Dugang pa niya, si Mama Mary ang nag hambal sa iya nga siya ang maga papili bilang gobernador.

Sa pihak nga bahin, nag file man sang iya nga COC si Sagay City Mayor, Alfredo Maranon, III bilang kongresista sang second district.

Miyerkules sang aga naman nag file sang iya nga COC para sa re-election si Board Member Valentino Miguel Alonso para sa 6th district. Paathag niya naulihi siya sa gin-schedule damlag pa sang ila nga grupo nga October 1 filing bangud nga naigo siya sang Covid-19 kag kinahanglan niya anay nga lubos maka recover.

Antes pa man siya nag masakit sa Covid suno kay Alonso iya na nga gina tib-ong ang kawsa sang mga health workers, pero sa naagyan niya mas nangin personal ini sa iya. Labi ang pasalamatan suno sa iya sa mga health workers nga amo ang naga panguna sa away kontra Covid-19. Labing gina haylo ni Alonso ang publiko nga magpabakuna na, bisan pa sa mga lideres sang gobyerno nga suno sa iya mag duso pa gid sang amo nga kawsa.

Nag lawig sa napulo ka adlaw sa ospital si Alonso, inagyan nga suno sa iya indi niya malipatan. Una nga na igo sa Covid-19 ang iya nga pamilya suno sa iya.

Leave a Reply

Your email address will not be published. Required fields are marked *

Secured By miniOrangeSecured By miniOrange