Isa ka vintage bomb ang nakutkotan sang 32-anyos nga backhoe operator sa ginahimo nga flood control project sa suba nga sakop sang Hacienda Minilu-an, Barangay Matab-ang sa Talisay City, Negros Occidental, sadtong Miyerkules, Hulyo 22.
Nakibot ang backhoe operator kag iya mga kaupdanan sa obra sang gulpi lang nag-aso ang bomba, rason nga sila ang nagdinalagan palayo sa lugar sa kahadlok nga basi maglupok ini.
Nagresponde ang kapulisan sang Talisay PNP kag Provincial Explosive Ordnance Division/K9 unit, gin-cordone ang lugar kag nagpatigayon sang assessment.
Suno sa pulis, narekober ang isa ka 100-pound nga M47 White Phosphorus bomb.
Gin-transport ini sa Talisay City Dump Site sakop sang Brgy. Concepcion sa Talisay, samtang ginahulat ang final disposal sini sandig sa EOD safety protocols.
[sibwp_form id=1]