P35 million nga pondo gikan sa Department of Agriculture ang iga download sa mga alkalde sa Negros Occidental bilang pondo nga paga gamiton sa away kontra RSSI.
May P200 million man nga separado nga assistance para sa mga mangunguma nga apektado paagi sa Department of Social Welfare and Development.
Sining Biyernes sang hapon nag sapol si Agriculture Secretary Francisco Tiu Laurel Jr sa mga congressmen kag alkalde sa Negros Occidental kun sa diin ila nga gintalakay ang tabang sang gobyerno national sa away kontra sa red striped soft scale insects ukon RSSI nga naga halit sa katubuhan karon.
Suno kay Laurel, P10 million ang para sa chemicals ukon pesticide nga gamiton kag P25 million naman ang para sa drone services kag rentals.
Basi man suno kay Laurel maka dugang download sang pondo para ibakal sang backpack sprayers para tigayon man maka spray sa indi masakop sa patigayunon nga drone spraying.
May separado pa gid nga P200 million nga I-download paagi sa Deparment of Social Welfare and Development para sa mga sugarcane farmers nga validated nga apektado sang RSSI.
Karon may 12,400 ka mga farmers ang yara sa listahan kag mahimo nga madugangan pa ini suno kay Tiu.
[sibwp_form id=1]