Ginabulong sa gihapon sa ospital ang tatlo ka mga empleyado sang Pag-IBIG Fund nga napilasan sa nagluntad nga vehicular incident sa Sitio Palao, Barangay Malusay, Guihulngan City sa Negros Oriental sang Huwebes, Hulyo 23.
Nag-gwa sa imbestigasyon sang Guihulngan PNP nga naguba ang preno sang van nga ginasakyan sang mga empleyado sang Pag-IBIG halin sa Guihulngan Heights pakadto sa proper sang siudad.
Ang van ginamaneho sang 59-anyos nga empleyado sang Pag-IBIG Ayala Branch sa Cebu kag residente sang Talisay City sa Cebu. Suno sa iya, gina-usoy nila ang naga kurbada nga dalan sang gulpi lang indi na magkagat ang preno sang van.
Ginpakamaayo sang driver nga hambalan ang iya mga pasahero, apang ang isa sa ila ang nag-tinghua nga maglumpat halin sa van.
Nadulaan sang control ang driver kag nakabunggo sa lubi kag pila ka Gmelina nga kahoy sa higad sang dalan.
Dead on arrival sa ospital ang 40-anyos nga Assistant Department Manager sang Pag-IBIG.
Magluwas sa driver, pilason man ang duha ka mga pasahero – isa ka 32-anyos nga lalaki, naga-obra bilang Sales and Customer Support Assistant sang Pag-IBIG Dumaguete Branch, kag isa ka 28-anyos nga babaye, empleyado man sang Pag-IBIG Ayala Branch sa Cebu.
[sibwp_form id=1]