Magapatuman sang 10 percent nga discount ang Yanson Group of Bus Companies sa tanan sini nga mga transport services sumugod Abril 3 tubtob Abril 5.
Ini ang kabahin sang ila Corporate Social Responsibility kag bilang sabat man sa adbokasiya ni President Ferdinand Marcos Jr., nga bayanihan spirit sa tion sang Semana Santa.
Ipatuman ang discount sa plete sa tanan nga transport services sang kompaniya sa bug-os nga Pilipinas. Lakip na diri ang Vallacar Transit, Incorporated nga nagabyahe sa Negros Island Region kag sa bahin sang Mindanao.
Sandig sa statement sang YGBC, tanan nga pasahero ang sarang nga maka avail sang amo nga discount sa Good Friday, Black Staurday, kag Easter Sunday.
Ini nga inisyatibo ang nakita nga pamaagi sang kompaniya agud makabulig sa publiko nga maibanan ang ila galastuhon sa sini nga Semana Santa ilabi na nga nagasaka man ang presyo sang mga balaklon bangud sa pagtimbook sang presyo sang gatong.
Nagapati ang YGBC nga ang ini nga inisyatibo ang magahatag sang dako nga bulig sa mga commuters nga magapauli sa tagsa sini ka mga probinsya.*