Sa inisyal nga impormasyon nga gin hatag ni Negros Occidental Police Provincial Office spokesperson, Police Lt Abegael Donasco, nag luntad ang enkwentro alas 7:20 kaina sang aga sa Barangay Tabo sa Banwa sang Ilog sa tunga sang Special Action Force sang PNP kag rebeldeng New People’s Army.
Nag lawig sang masobra isa ka oras ang pag bayluhanay sang lupok suno kay Donasco nga nag resulta sang pag kaPatay sang tatlo ka mga rebelde kag tatlo man sa ila ang napilasan. May isa man nga nag surrender suno kay Donasco.
Iya man gin pahayag nga base sa initial report, wala man sa bahin sang SAF forces ang nasamaran ukon napatay sa enkwentro.