Nagaplano na ang siudad sang Bacolod nga magbutang sang border control kasunod sang asod-asod nga kaso sang pagkalamatay sang baboy sa probinsya sang Negros Occidental.
Ginsiling ni City Administrator Atty. Mark Steven Mayo, wala pa sang may na report nga kaso sang pagkalamatay sang baboy sa Bacolod kag wala man sang mga urgent concerns nga nakita ang City Veterinary Office sa mga slaughterhouse.
Sa pihak sini, nagapangaman na ang siudad hinali nga maglab-ot man ang amo nga kaso sa Bacolod City.
Suno kay Mayo, madamo sang entry points ang Bacolod kag masami diri nagalabay ang mga produkto sang baboy gikan sa iban nga lugar.
Ginaduso man niya nga mapatuman ang massive testing sa siudad, ilabi na sa mga backyard hog raisers.
Ginahaylo man niya ang mga nagasagod sang baboy nga mag report gilayon sa otoridad kun napatyan na sila sang baboy agud makapatuman sang mga tikang sa pagtapna sini.
[sibwp_form id=1]