Natalana pa nga magsapol ang United Negros Alliance para man ma plastar ang ila line-up para sa 2025 nga piniliay.
Suno kay Vice Governor Jeffrey Ferrer nga presidente sang Unega, sya ang maga tutok na sa 4th District. Gina huring huring man nga maga papili bilang kongresta sang 4th District si anay DPWH regional director Lea Delfinado, suno kay Ferrer ang sin-o man nga luyag magpapili ang sarang maka papili.
Mahimo isa ka bulan antes ang filing sang COC maga announce sang ila nga kandidato ang Unega.
Wala pa man sa gihapon sang pat-od nga desisyon sa 5th District.
Kun ginapaabot ang pagpapili ni Dina Arroyo Tantoco bilang tiglawas sang 5th District suno kay Ferrer wala pa man sang opisyal nga pahayag gikan sa natungdan.
May pila naman ka mga mayor sa UNEGA nga magatpos na sang ila termino kaayang nanday La Castellana Mayor Rhummyla Nicor Mangilimutan nga gina paabot buslan sang iya utod nga si Añejo Nicor kag Bago City Mayor Nicholas Yulo nga gina paabot buslan ni Vice Mayor Ramon Torres.