
Masobra sa napulo ka mga baligyaan kag balay sa kilid Burgos Public Market ang ginpang-demolish.
Isa-isa nga ginpang-guba sang demolition team ang mga balay kag baligyaan sa kilid sang Ramos Street sa tabuk lang sang Burgos Public Market sa Bacolod kaina.
Kabahin sa mga nawad-an sang ilistaran ang negosyante nga si Roger Adiong nga may 15 na ka tuig nga naga-istar sa Barangay 19.
Ginsiling ni Adiong nga nagligad pa sila nga bulan ginpa-alinton angut sa demolisyon sa propiedad nga ginapanag-iyahan sang Pamilya Yanson.
Pila sa mga apektado nga pamilya ang natagaan na sang assistance kag relocation site sang nagligad pa nga tuig.
Ang kapin sa 2 ka ektariya nga duta ang damlag plano sang siudad nga baklon agud tukuran sang bag-o nga merkado.
Pero wala ini natigayon bangud wala nakasugtan ang presyo sang duta.