
Sa masunod nga semana patigayunon sang United Negros Alliance ukon UNegA ang ila nga general assembly kag pagkatapos sini paabuton ang ila nga line-up para sa 2025 elections.
Ini suno kay Vice Governor Jeffrey Ferrer nga naga serbe presidente sang UNegA. Pagatambungan ini sang mga katapo sang partido nga naga lakip sang ila nga mga key officials kag mga alkalde.
Iga announce suno kay Ferrer ang ila nga mangin manok sa vice gubernatorial race nga gina paabot nga mangin si Board Member Jose Benito Alonso.
Si Ferrer ang damlag pa nag siling na nga siya ang interesado magbalik bilang 4th District Congressman kag siya ang handa na para diri.
Pila sa luyag nila nga ma resolve amo ang ginapaabot pagsumpunganay ni Moises Padilla Mayor Ella Garcia Yulo kag Vice Mayor Ian Villaflor nga parehas nila nga kapartido sa mayoralty race.
Sa Kabankalan City, mabaskog ang huring-huring nga maga papili si Board Member Valentino Miguel “Macho” Alonso sang UNeGA bilang alkalde.
Damlag pa, nag gwa man ang istorya nga maga papili si anay Mayor Isidro Zayco sang Love Negros bilang alkalde man sang Kabankalan.
Independent naman ang naga pungko karon nga alkalde sang siudad nga si Mayor Benjie Miranda nga ginapaabot maga pa re-elect.
Suno kay Ferrer hulaton na lamang sang publiko ang mangin announcement sang partido bahin diri.
“Depende, basi karon may magdalagan da (Kabankalan) ya nga member sang UNegA. Ina nga mga area indi ko ka comment. Indi ko kahatag sang akon opinyon da. Hulata niyo na lang. That’s why indi ko ka comment sa sina nga area. Hulata nyo na lang”, suno kay Ferrer,
May alliance sa tunga sang Love Negros kag Unega.
Samtang, sa karon wala sang may napabutyag nga intensyon gikan sa mga Arroyo para sa congressional race sa 5th District suno kay Ferrer.