Gin tiguluhan nga scubasurero ang ginpatigayon nga underwater clean up drive nga gin updan sang San Carlos City PNP, Maritime Patrol Group, Philippine Coast Guard kag City Environment Management Office sang Sabado sa Dap Dap Wharf sa Sipaway Island.
Sa kadamo kuno abe sang mga bisita nga naga haboy sang ila basura, kinaghanglan makuha ang mga basura sa idalom sang tubig para mapangapinan ang marine biodiversity.
Ang trentay uno ka mga nagpasakop sa clean up drive, anum ka sako sang mga basura ang ila nga natipon. Naga lakip ini sang plastic containers, botelya, cups, fishing nets, face mask kag face shield, tela, lata, sako pati na sanitary napkin.
Suno sa San Carlos City PNP, ila ini nga padayunon bilang kontibuston sa pag amlig sa palibot.
May mga tiglawas man gikan sa BFP, Philippine Army kag San Carlos Freedivers kag Optimum Dive Team nga nag bulig sa pagpaninlo sang kadagatan.