SP NegOcc photo
Pungsod Pilipinas ang may yara sang bag-o nga application nga iga submit sa Estado Unidos angut sa appeal sini nga liwat magbukas ang market para sa blue swimming crab sang pungsod.
Suno kay Agriculture Sec Francisco Tiu Laurel nga may isubmit nga appeal ang pungsod, ang pinaka latest sa bulan pisang Setyembre.
Naga laum si Laurel nga tigayon liwat buksan sang Estados Unidos ang market sini para sa blue swimming crabs sang pungsod. Ang mga concerns damlag pa angut sa pag pangapin sa mga dolphins ang na aksyonan na suno kay Laurel.
May inter-agency task force man nga gintukod sa mga government agencies suno kay Laurel para ma monitor ang mga dolphins, lakip na ang bycatch ukon ang mga accidental deaths and injuries sang sining mga mammals.
Nalakip naman diri ang mga local ordinances nga gina patuman para mapabaskog ang systema.
Gin ban sang United States ang blue swimming crabs sang Pilipinas sadtong Hunyo bangud sang mga local fishing gear kaangay sang gillnets kag bottom pots nga nga tuga sang accidental death kag injuries sa mga Irrawady dolphins kag ang Pilipinas ang may kakulang sa tracking system.
Sini nga Biyernes, isa ka public hearing naman ang ginpatigayon angut sa Negros Occidental Blue Swimming Crab Sustainability and Management Ordinance.
Linibo ang naga salig sa amo nga industriya sa probinsya.
Ginsiling ni 3rd District Rep. Javier Miguel L. Benitez nga iya gina suportahan ang ordinansa kag iya iga duso sa Kongreso ang reapplication sang pungsod sa market sang Estados Unidos.
“When the crab industry hurts, my constituents hurt,” suno kay Benitez sa iya nga pahayag sa Negros Occidental Sangguniang Panlalawigan sa public hearing.
Ang Third District ang gina kabig ‘heart’ sang crab industry sang probinsya, diri nahamtang ang E.B. Magalona – ang blue crab capital sang Negros Occidental, ang crab cities sang Silay kag Victorias, kag isa ka processing plant sa Talisay, suno sa pahayag nga gin release sang talatapan ni Benitez.
[sibwp_form id=1]