Shadow

Truck nga nahulog sa kanal nakuhaan sang CCTV footage

Pag kahulog sa kanal sang truck nga nag resulta sang kamatayon sang driver agud lang malikawan nga mabugguan ang mga motorista, nakuhaan sang CCTV video

Nakuha sa CCTV ang pag hulog sa kanal kag pag bunggo sa steel barrier sang isa ka truck sa highway sang Barangay Talubangi sa siudad sang Kabankala kahapon nga nag resulta sa kamatayon sang 39 anyos nga truck driver nga si Winefred Jernalim.

Makita sa video nga may mga motorista nga naga naga parking sa kilid sang highway bangud suno kay Police Lieutenant Joemel Salarda, may yara sang checkpoint sa unhan.

Sa kuha sang CCTV makita ang pag rekta sang truck sa kilid sang highway sa opposite lane ugaling bangud sa may mga naga park nga mga motorista iya gin wahig ang truck sa tuo kag siya ang nag diretso sa kanal kun sa diin iya nabungguan ang steel nga baral kun sa diin nahamtang ang waiting shed.

Suno kay Salarda, mahimo nadulaan sang kontrol ang drayber sa truck.

Gani agud malikwan nga mabungguan ang mga motorsita, ang iya na lang nga truck ang iya ginhulog sa kanal nga nag resulta sa iya kamtayon.

Secured By miniOrangeSecured By miniOrange