Patay ang 44 anyos nga tricycle driver nga si Raymond Tordillos matapos ini gin tiro sang manugbaligya prutas sa Sofia Gonzaga Road sa Barangay Estefania Sabado sang aga.
Suno kay Major Ritchie Gohee, commander sang Police Station 4, natalupangdan ni Tordillos nga siya ang gina sundan sang suspek nga may dala nga armas las 9 sang aga, gani nag panaog ini sa iya tricycle kag nag pangayo sang bulig.
Gilayon man nag palagyo ang suspek pagkatapos sini tiruhon si Tordillos. Dead on the spot si Tordillos suno sa pulis.
Dugang pa ni Gohee, antes sini nag baisay na ang duha mga las sais sang aga.
Personal nga away ang gina lantaw sang pulis nga motibo bangud sa masami nga naga baisay ang duha kay naga agaway sang pwesto sa gwa sang isa ka supermarket sa barangay.