Shadow

Transport strike ipatigayon sa Marso 21-22

Sa baylo nga lima ka adlaw, ginkasugtan sang transport group nga ipatuman ang duha na lang ka adlaw nga pag untat byahe sumogod Marso 21 tubtob 22 diri sa probinsya.

Sa unity forum ginpatpat sang katapo sang United Negros Drivers and Operators Center ukon UNDOC upod sa Federation of Bacolod Drivers Association kag Sentrong Samahan ng mga Tsuper at Operators Negros ang mga tikang para sa transport strike.

Suno kay Diego Malacad, secretary general sang UNDOC, 17 kag mga rally centers ang igatukod sa probinsya para sa 2 ka adlaw nga transport strike.

Nalakip sa mga panawagan sang grupo ang mapa untat ang 12 percent value added tax kag excise tax sa produkto petrolyo nga amo ang ginapatihan kabangdanan sang pagsaka sa presyo sang diesel kag gasolina.

Ginahinyo man nila ang dugang nga fuel subsidy.

Nag upod sa Unity Forum nga ginpatigayon ang tiglwas sang simbahan kag multi sectoral group.

Secured By miniOrangeSecured By miniOrange