Shadow

Transport groups sa Negros Occidental maga patigayon sang untat biyahe

Katapo ang transport group sa probinsya posible magapatuman sang untat-biyahe kun indi mapatuman ang ginahinyo nga duha ka pesos nga saka sa plete samtang nagapadayon ang pagsaka sang presyo sang produkto petrolyo.

Nagahamboy na sa sisentay tres pesos ang kada litro sang gasolina kag masobra sinkwenta pesos naman ang kada litro sang diesel.

Ginapaabot ni Jesse Ortega, secretary general sang Sentrong Samahan ng mga Tsuper at Operators Negros nga magapadayon pa ang pagsaka sang presyo sang produkto petrolyo sa Nobyembre.

Rason kun ngaa pila sa ila mga kaupdanan nga drayber kag operator ang naga pensar na lang nga temporaryo mag-untat byahe.

Ang grupo ang maga-file man sang petition sa Land Transportation Franchising And Regulatory Board para sa dugang nga duha ka pesos nga saka sa plete para sa mga pampubliko nga salakyan.

Pero kasubong sang pag-deny sang petisyon sang mga transport group sa Metro Manila, ginapaabot man ni ortega nga indi man paboran ang ila hinyo bisan pa karon nga pandemic.

Ginaplano sang grupo upod sa Federation of Bacolod City Drivers Association nga kun indi mapamatian sang natungdan nga ahensya ang ila mga gina-ayo sila ang posible magalunsar sang pag-untat byahe.

Isa man ka “Transport Caravan for a Cause” ang natalana pagahiwaton sang United Negros Drivers And Operators Center bwas batuk sa padayon nga pagsaka sang presyo sang produkto petrolyo.

Leave a Reply

Your email address will not be published. Required fields are marked *

Secured By miniOrangeSecured By miniOrange