Transcom Bacolod ang nakabalik na sa pag operate sang Lunes pero may pito ka mga empleyado sini ang dugang nga nagpositibo sa COVID-19.
Ginpahayag sang Bacolod Emergency Operations Center nga ang pito nga bag-o nga positibo ang kabahin sang 121 ka mga empleyado nga ginpaidalum sa swab test sang nagligad nga semana antes sila makabalik sa trabaho.
Sila ang lunsay mga asymptomatic kag yara na tanan sa isolation facility sang siudad.
Pebrero uno sang ginpapanaugan sang notice of suspension sang city legal office ang Transcom matapos nga 41 ka mga empleyado sini ang nagpositibo sa virus.
Sang tinalikdan nga lunes nagsugod na operate liwat ang kumbuyahan pero 20 lang anay ka mga empleyado ang ila ginpa report sa trabaho.
Wala pa matapos ang 14 day quarantine sang iban nila nga mga empleyado nga ginpaidalum sa surveillance testing kag nagnegatibo.
95 porsiento naman karon sang ila mga empleyado ang naga work at home.
Suno kay Dr. Chris Sorongon sang Bacolod EOc ginsunod na sang tagdumalahan ang tanan nga recommended safety protocols sang EOC.