Mahimo na nga makaserbe sang makahulubog nga ilimnon sa mga hotel, restaurant kag kalan-an sa Bacolod humalin las sais tubtub las nueve sang gab-i.
Ini ang kaundan sang ginpagwa nga executive order si Bacolod Mayor Evelio Leonardia sa tuyo nga mabuligan nga makabawi ang mga negosyante nga yara sa food and beverage business.
Makaserbe na sang ilimnon ang mga hotel, restaurant kag dine-in establishments sa sulod sang tatlo ka oras.
Wala diri nalakip ang mga beerhouse, nightclub, karaoke bars kag iban pa nga mga establisimiento nga nagaserbe sang ilimnon.
Nagapadayon man sa gihapon ang liquor ban kun sa diin humalin las dose sang udto tubtub las sais lang sang gab-i makabakal sang ilimnon.
Ini ang experimental lamang nga tikang sang siudad para mabuligan ang mga negosyante nga makabawi sa tion sang pandemya.
Kun mamutikan sang siudad nga wala nagasunod sang minimum health protocols sa ang ini nga mga lugar nga ginaserbihan sang ilimnon saranga nga bawi-on sang alkalde ang ini nga suspension sang liquor ban.
Ginpahayag naman ni Vice Mayor elcid familiaran nga responsibilidad sang mga tag-iya sang mga establisimiento nga mapasiguro nga ginasunod ang health protocols sang ila mga customer.