Tracking system kag zonal schedule sa paghakot sang basura ginapaabot nga mapatuman sa Bacolod sini nga semana.
Nagdugang na sang duha ka mga computer unit ang opisina sang Department of Public Services para sa tracking system nga ipatuman sang IPM Construction Development Corporation sa sini nga semana.
Suno kay Ramel Palalon, OIC sang DPS, sarang ma-monitor sang publiko ang mga garbage truck bangud real-time ang tracking system nga igapatuman agud mas mangin mahapos ang pagpanghakot sang basura.
May 45 ka mga dump trucks ang natalana butangan sang GPS para sa amo nga sistema.
Dungan sini ipatuman man ang zonal schedule sa paghakot sang mga basura sa mga kabarangayan.
May mga lugar kasubong sang mga merkado, downtown area, mga main road nalakip diri ang Lacson streets nga mangin daily ang garbage collection.