Ombudsman for the Visayas gin-grant ang motion for reconsideration sa dismissal kag suspension order batuk sa punong barangay kag kagawad sang Barangay Tangub sa Bacolod City.
Sa mando nga ginpa-gwa ni Deputy Ombudsman for the Visayas Dante Vargas sang Enero 9, gin-grant ang motion for reconsideration nga appeal nanday Barangay Tangub Punong Barangay Noli Villarosa kag Kagawad Raymundo Pendon.
Ini ang may angut sa dismissal order kag suspension order nga separado nga ginpapanaug batuk sa ila may kaangtanan sa kaso nga grave misconduct kag simple misconduct nga ginpasaka sang anay maestro nga si Candido Medalla.
Sanday Villarosa kag Pendon ang gintudlo sang tagreklamo nga nag-guba sang portion sang iya pader nga nalakip sa ila private property sang ginpatigayon sadto ang clearing operation sa Ramylu Drive sa Barangay Tangub sang 2020.
Pero magluwas nga gin-grant sang Ombudsman ang motion nanday Villarosa, gin-set-aside ukon gin paiway man ang mandu nga ginpa-gwa sang Setyembre 1, 2022 nga nagpamatbat sa mga akusado nga guilty sa kaso nga simple misconduct.
Madasun nga gin-mando ang pag-reinstate sa mga akusado bangud man sang pag-dismiss sang kaso nga grave misconduct batuk sa ila.