Nadakpan sang kapulisan sa Negros Occidental ang duha ka mga ginakabig “most wanted persons” sadtong Miyerkules, Agosto 13.
Na-track sang mga intelligence units ang top 5 kag top 7 nga most wanted person sa bilog nga Negros Island Region.
Gin-aresto ang top 5 most wanted nga si alyas “Mcjhonill”, 30-anyos, residente sang Ilog, sa kaso nga 8 counts of Qualified Rape.
Sa report sang Police Regional Office-Negros Island Region, gin-alegar nga ginhimuslan sang akusado ang iya mga hinablos nga naga-edad 7, 8 kag 9 anyos.
Wala sang piyansa ang kaso sang akusado.
Samtang, dakup man ang top 7 nga most wanted nga ginkilala kay alyas “Gregorio”, 44 anyos, residente sang banwa sang Pontevedra.
Wanted ang suspek para sa service of sentence sa kaso may angut sa iligal nga droga.
Dugang pa, may duha pa gid ka mga wanted nga persona sa city kag municipal levels ang na-account sang otoridad sa syudad sang Sagay kag Pulupandan.
Ang isa may kaso sa illegal drugs samtang ang isa naman ang may ginmolestya nga menor de edad nga tupad balay.