Kadam-an sa mga rescue volunteers kag paramedics sa pungsod ang wala pa sang nagakaigo nga licenses ukon certificate ilabi na ang gikan sa TESDA.
Gani sa sini nga tuig, aprobado na ni TESDA General Director Francisco Benitez ang hinyo sang Bacolod LGU nga dal-on sa siudad ang TESDA training para mas mapasanyog ang Emergency Medical Services courses program.
Ginsiling ni Benitez nga tuyo sang TESDA nga masabat ang kakulang sang manpower sa bahin sang health sector ilabi na nga kadam-an sa mga health practioners ang mas nagapangita sang opportunidad nga makatrabaho sa abroad.
Nagapati si Benitez nga naga kinahanglang sang dugang nga legislation para masabat ang kakulang sang mga certified emergency medical responders sa mga local government unit nga kinahanglan agud mapasanyog ang disaster risk reduction management programs.
Gindugang niya nga naga kaangay nga matagaan atensyon ang mga emergency responders pati na mga medical volunteers para masiguro nga mas magdamo pa ang may ikasarang sa bahin sang emergency response.