Mga menor de edad nakuhaan sang cellphone video nga nagagamit sang gina patihan solvent sa dalan Araneta sakop sang Brgy. Singcang-Airport sa Bacolod.
Sa video nga nagalapta sa social media makita ining pila ka mga menor de edad nga Kabataan nga naga tambay sa atubang sang mall sa dalan Araneta.
Kadam-an sa ila naga silinghot sang ginapatihan solvent.
Gilayon ini nga nakalab-ot sa igtalupangod ni Barangay Singcang-Airport Punong Barangay Caesar Distrito nga nagmando sa mga barangay tanod upod sa mga kapulisan agud makadtuan ang lugar kag ma-rescue ang mga kabataan.
Duha sa mga magagmay nga mga kabataan nga ginapatihan naga pangalimos sa lugar ang gindala sa barangay hall sang Hwebes kag ginpatawag ang ila mga ginikanan agud nga maistorya kag ma-turn-over ang mga bata.
Gindugang ni Distrito nga pila sa mga nagatambay nga mga menor de edad mga pangayaw.
Gani mas ginpabaskog na sang mga tanod ang pagbantay sa lugar agud mapaiway ang pagtenir sang mga menor de edad sa atubang sang commercial establishment sa amo nga area.