Nagluntad ang tension sa sulod sang merkado sang may pila ka mga vendors nga nag-init ang ulo bangud wala madala sa listahan sang pwede maka-ambit sang pwesto.
Asta na lang sa nagabarikada nga panid sang sin ang fish vendor nga si Maribel Apurong bangud wala siya madala sa validated masterlist para sa ginapatigayon nga raffle sang mga stalls sang bag-o kaayo nga fish section sang Central Market.
Isa siya sa akig nga nagpabutyag sang kalain sang buot bangud makaligad sang temporaryo nga pagsaylo sa ila sa dalan Bonifacio, wala na siya sang mabalikan nga pwesto matapos ang repair sang merkado.
Ginsiling ni City Administrator Atty. Pacifico Maghari, III ang kutob sa wala nalakip sa validated masterlist sang masobra isa ka gatus nga fish vendors ang na-disqualify tungod sang kakulang sang requirements kag wala nakabayad sang ila utang sa siudad para sa arkila sang stall humalin sang 2019.
May 90 lang ka stalls sa sulod sang fish section.
Pero ginpahayag ni Maghari nga pangitaan sang siudad sang paagi nga matagaan sila sang kahigayunan nga mapadayon ang ila palangabuhian.