Duha ka tuig nga temporary road closure sa Fr. Ferrero Street ang aprubado na sang konseho.
Paagi sa naaprobahan nga ordinansa sang konseho, sirad-an sang Bacolod Traffic And Tranportation Management Department ang Fr. Ferrero Street sa sulod sang duha ka tuig.
Dungan ini sa ginapatuman karon nga demolition kag natalana nga construction sang bag-o nga Manokan Country sa reclamation area.
Ang City Engineer’s Office ang nag pahamtang na sang mga tents sa kilid sang dalan nga maga serbe extension sang temporary nga Manokan sa parking area sang SM City Bacolod.
Ginpahayag ni Mayor Albee Benitez nga sa dalan Fr. Ferrero ginaplano ang pedestrian mall nga mangin dugang nga atraksyon sa siudad.
Diri ginapaabot nga magatipon ang mga baligyaan sang mga gina pabugal nga one-town one-product sang siudad kag sang pila ka mga LGU sa probinsya.
Sarang man diri ipahamtang ang night market agud matagaan opportunidad ang mga ambulant vendors.