Bag-o nga Provincial Administration Center Building ang gina paabot nga mahuman kag magamit sa madason nga tuig.
Ini suno kay Negros Occidental Governor Eugenio Jose Lacson nga nagsiling nga halos patapos namad ang structure pero madamo pa sang ipatuman nga finishing sa sulod rason nga indi pa gilayon ini nga mahuman.
Wala labot sini ang pag plastar pa gid sang mga furniture kag fixture sa sulod.
Damlag pa ginsiling nga target nga mahuman ang construction sang 7 storey building sa dalan Aguinaldo sa bulan sang Hunyo.
Ginsugdan ang construction sang Dynamic Builders, ang contractor sang amo nga building sadtong 2022.
Ang malapit isa ka bilyon ka pesos nga construction project nga naga lakip na sang furniture and fixture ang ginapaabot maga house sang mga nag kalain-lain nga mga talatapan sang gobyerno probinsyal.
Gina paabot nga paagi sini mas mangin mahapos ang operation sa mga provincial government offices.
Sa karon, napahamtang sa nagkalain-lain nga lugar ukon buildings ang mga opisina sang gobyerno probinsyal.
Suno kay Governor Lacson, luyag niya man nga magpabilin ang iya nga talatapan sa daan nga Provincial Capitol Building nga simbolo sang seat of power.
Mahimo man nga mag butang siya sang receiving area sa bag-o nga PAC building.
Tambi sang new PAC building sa dalan Gatuslao sa motorpool sang Provincial Engineer’s Office ang multi level parking area para sa mga empleyado sang gobyerno probinsyal kag sa mga maga transaction sa gobyerno probinsyal.