Nasapwan nga patay ang isa ka manunudlo sa sulod sang iya nga balay sa Barangay Tamao, Tayasan, Negros Oriental, Domingo sang hapon.
Ang biktima ang ginkilala nga si Raynaizan Fausto, isa ka manunudlo sa amo nga banwa.
Sa inisyal nga impormasyon gikan sa PNP, ulihi nga nakita nga buhi ang biktima sang kagab-ihon sang Pebrero 8.
Nadiskubrihan nga nadula ang cellphone, alahas kag iban pa nga pagkabutang sang biktima.
Suno sa PNP, wala sang may nakita nga pilas sa lawas sang biktima gani gina-alegar nga posible ginkuga siya nga gintunaan sang iya kamatayon.
Ang grupo nga Local Youth Development Office sang Tayasan ang naga pakamalaut sa natabo nga insidente.
Nagapanawagan sila sang hustisya sa kamatayon sang teacher.
Para sa PNP isa ini kaso sang robbery homicide kag may ginalantaw na sila nga person of interest sa sini nga kaso.