Duha patay sa bungguanay sang duha ka motorsiklo sa Barangay Granada sa Bacolod.
Patay sanday Helbert Lasquite kag Jeriel Paconla kag pilason ang isa pa ka persona matapos nga nagbunggo-anay ang ila gina sakyan nga motor sa highway sang Hda.
Carmen Barangay Granada sa Bacolod Domingo sang gab-i.
Nadala pa sa hospital ang mga driver apang napatay sila.
Samtang gin dala naman sa hospital si Jigger Sebatna, nga angkas ni Paconla.
Suno kay Police Lt. Col. Ramel Sarona chief sang Traffic Enforcement Unit sang Bacolod City Police Office naglupok ang panguna nga goma sang motor ni Paconla kag naglapaw ini sa lane ni Lasquite rason sang pagbungguanay nila.