Sugaran na ang pagkaayo sang approach sang Himogaan Bridge sa Sagay City matapos nga maguba sang baha sang Domingo sang magbubo ang ulan dala sang shearline.
Ginsiling ni Engineer Ernie Mapa, ang Provincial Engineer sang Negros Occidental nga ang ang contractor – ang ESJ Construction amo ang maga pakaayo sini.
Ang kalawigon sang trabaho ang maga depende sa panahon, sa karon gina bulubanta isa ka bulan.
Wala pa na turn-over sa probinsya ang amo nga taytay nga isa ka PRDP project. Sini kuntani nga bulan naka schedule ang turn-over suno kay Mapa.
Ang taytay ang naga-connect sang Brgy Maquiling kag Brgy Puey.
Kaayuhon man ang bahin sang road pavement nga ang idalom nga parte na ab-ab sang tubig. Unahon ang pagbutang sang filling materials diri gani temporaryo nga indi malabyan ang taytay.
Liwat nga buksan sa traffic kun mahuman na suno kay Mapa.
Madamo man ang naga komento sa mga naka pack sa sako nga balas sa idalom sang approach sang taytay nga nakit-an.
Paathag ni Mapa, una nga gin-construct ang bridge. Samtang, naga fill sang approach para maka tupong sa taytay, naga pack man sang semento sa kilid kag ginatangkas ang mga sako nga may unod sang balas ukon dakal-dakal para man nga proteksyonan ang gina tampok sa ibabaw, rason nga yara ining mga sako sa kilid.
Klaro ni Mapa, indi ini maka apekto sa integrity sang gintampok nga filling materials. Gina patuman ang density test sa pag pasiguro man nga compact ini.*
[sibwp_form id=1]