Indi lang ang Metro Bacolod District Jail Male Dormitory sa Barangay Singcang-Airport ang ginaplano isaylo sa Barangay Granada.
Ginsiling ni MBDJ Warden Major Ian Karl Niaga, ginapangitaan na sang pondo kag lugar sa ginapanag-iyahan nga duta sang Bacolod LgU ang masayluhan pati sang MBDJ annex male kag female dorm facility agud matingob ini sa isa ka compound.
Ginabulubanta malapit sa isa ka ektarya nga duta ang ginakinahanglan para tukuran sang pasilidad sang Bureau of Jail Management and Penology.
Sa paghinun-anun nila kay Mayor Albee Benitez ginduso sang alkalde nga masaylo ang pasilidad agud mapaiway ang pag ginutok sang mga persons deprived of liberty.
Ang MBDJ male dorm sa compound sang Bacolod City police Office sa Barangay Singcang-Airport ang kinahanglan mapakay-o bangud sang 1981 pa ini natukod.