Survey sa mga COVID facilities ang gin-abiso sang Center for Health Development Western Visayas.
Ini suno kay Provincial Health Officer Dr Girlie Pinongan nga nagsiling man nga nalakip sa gina pa check ang kahandaan angut man sa treatment para sa COVID – 19.
Damlag pa ang Bureau of Quarantine ang nag pa gwa sang memorandum angut sa gina atubang nga bag-o nga COVID – 19 strain nga kabahin sang mga bag-o na discover nga subvariants nga gina-identify bilang FLiRT kag ini ang nagalapta globally.
Suno kay Pinongan ang mga LGU ang gina pa check man sang ila nga kahandaan. May mga COVID cases man nga na-record sa probinsya pero indi ini severe cases. Wala naman gina patigayon ang swabbing magluwas na lamang kun ang natungdan nga persona nakitaan sang sintoma sang COVID suno kay Pinongan.
“Actually sa CHD gina pa survey na subong ang aton nga mga facility. Ang readiness sang aton facility, kun available pa ang aton PPMF – ang aton equipment para sa COVID, mga facilities, ina balang gina ano sang mga LGU, sa aton mga RHU, mga City Health kag Muncipal Health Officers gina pamangkot man sila kun ano pa ang availability kay ang iban gin-convert na”, suno kay Pinongan.