Bangkay sang rebelde nga napatay sa encounter sa Calatrava na turn-over na sang army sa munisipyo. Nakilal-an na ang bangkay sang isa ka ginapatihan katapo sang New People’s Army nga napatay sa engkwentro sa tunga sang army sa Barangay Cambayobo sa banwa sang Calatrava sang nagligad nga Miyerkules.
Ginsiling ni 79th Infantry Battalion commander Lt. Col. Arnel Calaoagan nga ila na ginturn-over sa munisipyo ang bangkay ni Jeje Redobles agud ma claim sang iya himata.
Gindugang ni Calaoagan nga nagapatigayon sila sang focused military operation sa lugar sang nagluntad ang encounter.
Nag gwa sa pagpang usisa sang militar nga si Redobles nga ginakabig local courier sang na dismantle nga North Negros Front sang NPA ang kabahin sa naka emgkwentro sang katapo sang 79IB sa nabukid sang Esacalante City sang nagligad nga Pebrero.
Na-recover sang army ang isa ka M16 rifle, mga bala kag nabilin nga pagkabutang sang nalagyo nga rebelde sa encounter site.