Task Force El Niño ang paga tukuron sang Regional Disaster Risk Reduction Management Office sang Negros Island Region para magtutok sa gina forecast nga strong to very strong El Nino.
Ginsiling ni Office of the Civil Defense Director kasubong man pamuno sang RDRRMC, Donato Sermeno, III, nga nagpatigayon na sang pre-disaster risk assessment sang Hwebes sa NDRRMC. Sa regional level maga patigayon man sang pre-disaster risk assessment.
Sa June-July, suno kay Sermeno, yara pa near normal ang rainfall sa Negros Island Region. Sa bulan sang Agosto, gina paabot nga may mga bahin na sa NIR nga ma igo sang strong to very strong El Nino ukon mangin below normal na ang rainfall.
Suno kay Sermeno ang southwestern side sang Negros Oriental ang nalakip diri.
Naga hulat sila sa karon sang datus kag sa mga tikang man nga ipatuman sang nag kalain-lain nga mga ahensya para mahandaan ang El Niño.
“Mga different agencies gin pa update kag mag create man kita sang regional task force sa El Niño. Manug create. Ang purpose is for contingency naton sa El Niño, so mahulat lang kami sang mga action plans sang different agencies sa national level kay amo na ang usaron naton sa region”, suno kay Sermeno.*
[sibwp_form id=1]