Shadow

Target sang Negros Occidental nga maka bakuna sang 8,000 ka tawo kada adlaw

Capitol photo

Target sang probinsya nga makabakuna sang 8,000 sa kada adlaw ukon 40,000 sa isa ka semana.

Suno kay Provincial Administrator Ryfrando Diaz ini natungod nga madamo karon sang supply sang Pfizer vaccine nga nag abot, una amo yadtong 107,640 ka dose sadtong Oktubre 4 kag ang 53,000 ka dose sang Oktubre 9.

Sang Oktubre 5 pa nag sugod ang pagdul-ong sa mga LGU sang Pfizer vaccine kag target nga madul-ong ang 40 mil ka dose sa kada semana tubtob sa madason nga semana. Mataas karon ang demand sa Pfizer vaccine.

Wala naga nubo sa 93 percent sa mga ma deliver nga bakuna ang magamit. Ini nga mga higayon ang luyag nga gamiton sang probinsya. Kag tungod man nga may kakulang sa personnel para sa mga naga patigayon sang vaccination program kag sa pagpatuman sang rapid antigen test nga kabahin sang contact tracing tutukan anay ang pagbakuna suno kay Diaz.

Leave a Reply

Your email address will not be published. Required fields are marked *

Secured By miniOrangeSecured By miniOrange