Shadow

Birthing unit kag City Treasurer’s Office sang Sipalay gin-lockdown

Dionilo Bogtae photo

Pito ka personnel sang Birthing Unit sang Sipalay City ang nag positibo sa Covid-19.

May isa man nga empleyado nag positibo sa virus sa City Treasurer’s Office. Ini suno kay Dionilo Bogtae, executive assistant kag pamuno sang SEARS ukon Sipalay Emergency Assistance and Rescue Services.

Naka lockdown sa karon ang duha ka talatapan humalin pa kahapon para sa disinfection kag padayon nga contact tracing. Sa birthing unit, apat ang una nga nag positibo sa virus, kag sa contact tracing nga ginpatigayon may tatlo nga nag dugang.

Sa City Treasurer’s Office naman ginahulat pa ang resulta sang test. Maga pahibalo ang siudad kun san-o liwat nga maga bukas ang natungdan nga mga talatapan.

“Naga ano kami sang rapid antigen test kag sa pag positive nila, amo naga confirmatory kami sa RT PCR . (ang gina hambal mo sir nga City Treasurer’s RT PCR na na nga positive?) Yes. Nag positive na na sila sa RT PCR na,” suno kay Bogtae.

Secured By miniOrangeSecured By miniOrange