Shadow

Drayber pilason sang matumba ang iya gina dala nga canter

Nabulit sang pinta ang lawas ni Reynaldo Picar nga naga drive sang Canter. Gin kuha siya sang mga rescuers sa sulod sang iya nga truck matapos maipit sa sulod

Suno sa sini nga babaye nga naga sunod sa iya, hinali na lang nga nasangit sa mga kable ang atubang sang canter amo kun ngaa natumba ini kag nag bunggo naman sa gate sang isa ka baligyaan sang motorcycle parts.

Istorya sang drayber, may naga sugata nga awto sa iya sa kurbada nga bahin sang highway sa Erorero. Mahinay man lang kuno ang iya dalagan pero sa pag likaw niya, nasangit niya ang ang kable sa mga poste.

Nag balabag ang Canter sa katunga sang dalan. Nag kala ula ang mga pinta sa dalan.

Wasak ang gate sang baligyaan nga nabungguan sang truck kag ang poste nga ini nautod.

Wala na sang may iban pa nga nasamaran sa insidente magluwas na lang sa drayber.

Gilayon man siya nga gindala sa ospital.

Leave a Reply

Your email address will not be published. Required fields are marked *

Secured By miniOrangeSecured By miniOrange