May 75 ka mga kandidato nga nagpapili sini nga May 2025 Elections sa bilog nga Negros Occidental ang wala naka file sang ila nga Statement of Contribution and Expenditure ukon SOCE.
Sa record nga gin-release sini lamang nga hapon sang COMELEC Negros Occidental, 778 ang kabilugan nga nag file sang ila nga COC sa nagkalain lain nga position nga naga lakip sang provincial posts, kag sa tagsa ka pwesto sa banwa kag siudad.
Sa 778 nga nagpapili, 703 lamang ang tigayon naka file sang ila nga SOCE.
Ang pag file sang SOCE sang mga kandidato nag daog man ukon na pierde, kag sang political parties ang gina require sandig sa Section 14 sang Republic Act 7166 kag COMELEC Resolution 10730.
Sa mga nagdalaog sa pwesto, ginsiling na sang Department of the Interior and Local Government nga indi sila sarang makapungko, kun napaslawan sila sa pag file man sang SOCE.
Suno kay COMELEC NIR Director, Atty Lionel Marco Castillano, ang tanan nga nagdalaog sa bilog nga Negros Island Region ang naka file sang SOCE.
Gani, suno sa iya, wala sang indi pwede maka pungko bangud lamang sang kapaslawan sa pag file sang SOCE.
Gin-siling ni Castillano nga seryoso ang COMELEC sa kampanya kag tutukan nila ang mga wala naka file sang SOCE.
Ang una nga offense may administrative fine kag sa ika duha naman nga offense may yara sang administrative fine sa gihapon kag sarang mag pangatubang sang perpetual disqualification ang natungdan.
Indi man ma negar suno sa COMELEC nga madamo sang naga papili, wala man naga kampanya, kag wala man naga file sang SOCE.
“Lahat ng nanalo nag-file. Meron kasing Mga hindi nanalo na hindi nag-file. Hindi ma perfect. Yung iba kasi nag-file lang tapos biglang nawala na. First offense there will be an administrative fine, depende sa position. Second offense mas malaki ang admin fine o kaya at the discretion of COMELEC i-disqualify – ng perpetual disqualification. Kasi yun iba successive na dalawang election na hindi mag file, i-disqualify siya talaga ni comelec. Papatawan ka ng perpetual disqualification”, suno kay Castillano.