May 500 ka mga pumuluyo sa banwa sang Pulupandan nga gikan sa vulnerable sector ang tigayon naka bakal sang tig 20 pesos nga kada kilo sang bugas gikan sa federation sang mga asosasyon sang mga irrigators upod ang probinsya sang Negros Occidental.
Suno kay Pedro Limpangog, ang presidente sang Federation of Irrigators Association of Central Negros-Bago River Irrigation System ukon FIACN-BRIS 50 ka sako sang ila nga bugas ang tigayon nila nga nabaligya bilang pagbuylog kag suporta sa programa ni Presidente Ferdinand Marcos, Jr. Tig lima ka kilo ang maximum nga mabaligya sa katapo sang vulnerable sector kaangay sang senior citizen, solo parents, persons with disablity kag katapo sang 4Ps.
Sa baligyaanay kaina sa Pulupandan, sila ang gina pangitaan sang ID para pamatuod kag mapasiguro nga indi mag doble ang baligyaanay.
Sa bulig kag suporta sang probinsya sa ila paagi sa farm inputs kag sa labor, tigayon nila napapanaog ang sadto anay gina baligya nila nga tig 25 pesos kada kilo nga bugas sa idalom sang Bigas ng Bayan, sa 20 pesos ang kada kilo.
Maga pakig angut pa sila sa probinsya suno kay Limpangog kun sa diin nga area ang masunod.
“Ang aton nga mga senior citizen may ID sila to prove, ang aton mga solo parents, mga PWD, sa 4Ps may ara man sila ID. Gina encode naton sa computer para indi mag doble-doble. 50 ka sako tig 50 ka kilo kada sako gindala sa Pulupandan. Ma coordinate kita sa aton provincial Government kun diin i-suggest nila sa Federation of Irrigators Association basta ang importante may bugas ang aton federation paga padayunon naton ang ini nga programa sang probinsya”, suno kay Limpangog.