Tag: Bacolod news

Police Station 2 photoPNP may person of interest na sa pagbuno sa isa ka lalaki nga nasapwan patay kahapon.Suno kay Capt Paul Vincent Pendon, commander sang Police Station 1, isa lang ka persona ang posible may kahimuan sa pagpatay kay Dennis Aranas nga nasapwan na lang nga patay kahapon sa kilid sang dalan Palanca sa Bredco port sa Bacolod.Indi pa mapalayag ni Pendon kun sin-o ang persona nga ila gina tan-aw may kahimuan sang krimen pero posible suno sa iya may kaangtanan ini sa away ni Aranas sa iya ka relasyon.Si Aranas ang nasapwan kahapon nga patay na sa kilid sang dalan.Ang PNP ang nag siling man nga posible sa lain siya lugar gin buno kag ginbilin lang ang iya lawas sang biktima sa Bredco.

Medical Arts Building nga makapabaskog sa kampanya batuk sa Covid 19 ang gin inagurahan sa pagsaulog sang 55th anniversary sang Bacolod Adventist Medical Center.Sa pagpanguna nanday Mayor Evelio Leonardia, mga opisyales sang BREDCO port kag hospital officials gin-inagurahan ang 70 milyones pesos nga Simplicio A. Palanca Medical Arts Building sa sulod sang Bacolod Adventist Medical Center sa Barangay Taculing.Suno sa tagdumalahan sang BAMC, madugay na nila gin handum nga makatukod ang pasilidad ilabi na para sa mga outpatient.Tubtob nga sang 2018 natigayon nga nasuguran sa bulig sang nagtaliwan nga negosyante kag visionary leader nga si Atty. Palanca.Sa seremonya, lubos nga ginapasalamatan sang tagdumalahan sang ospital kag bisan sang mga nagtambong nga opisyales sang siudad...